Azərbaycan, Bakı, 16 noyabr / Trend , müxbir E.Tarıverdiyeva /
Noyabrın 15-dən 23-nə kimi Yaponiyada "GUAM-Yaponiya" çərçivəsində turizmə həsr olunan seminar keçiriləcək, Yaponiyanın Azərbaycandakı səfirliyinin yaydığı press-relizdə deyilir.
Seminarda turizm məsələləri ilə məşğul olan Demokratiya və İqtisadi İnkişaf Naminə Təşkilat - GUAM ölkələrinin hökumət məmurları və Yaponiya hökuməti tərəfindən tədbirdə iştirak etmək üçün dəvət olunan təşkilatın katibliyinin üzvləri iştirak edəcəklər, press-relizdə deyilir.
Seminarda GUAM ölkələrinin turizm potensialı təqdim olunacaq, turistlərin bu ölkələrə, o cümlədən Yaponiyaya səfərlərə cəlb edilməsi məsələləri müzkairə olunacaq.
Sözügedən seminar "GUAM-Yaponiya"nın 2009-cu ilin fevralında Tokioda keçirilən dördüncü görüşünün nəticəsidir. Həmin görüşdə tərəflər turimz sahəsində əməkdaşlıq yollarını müzakirə ediblər, press-relizdə deyilir.