Azərbaycan, Bakı, 24 dekabr / Trend , müxbir U. Sadıqova/
Ukrayna tərəfi Azərbaycan Prezidenti İlham Əliyevin ölkəyə səfərini gözləyir, bu gün Ukraynanın səfiri Boris Klimçuk Bakıda mətbuat-konfransında deyib.
"Biz Azərbaycan Prezidentinin Ukraynaya səfərini təşkil etməyi planlaşdırırıq, tarixlər ölkədəki prezident seçkilərinin nəticələrindən asılı olaraq müəyyən ediləcək", - səfir deyib.
Ukraynada seçki kampaniyası oktyabrın 19-dan başlayıb. Seçkilər 2010-cu il yanvarın 17-də keçiriləcək.
Klimçukun sözlərinə görə, Ukrayna höküməti formalaşdırıldıqdan sonra Kiyevdə hökümətlərarası komissiyanın növbəti iclası gözlənilir.
Azərbaycanla Ukrayna arasında mal dövriyyəsi 2009-cu ilin yanvar-oktyabr aylarında 473,9 milyon manat təşkil edib.