Azərbaycan, Bakı, 03 mart / Trend , müxbir Y.Ostapenko/
Azərbaycan polisi və kütləvi informasiya vasitələri arasındakı dialoqun yaxşılaşdırılması üzrə təlim çərşənbə günü Mingəçevir şəhərində başlayıb. Tədbir ATƏT-in Bakı ofisi tərəfindən təşkil olunub. Bu barədə təşkilatın məlumatında deyilir.
Mingəçevir şəhərinin polis əməkdaşları, yerli kütləvi informasiya vasitələri və Daxili İşlər Nazirliyinin nümayəndələri KİV və hüquq mühafizəçiləri arasındakı əlaqənin necə yaxşılaşdırılması məsələsini müakirə edəcək.
"Mən ümid edirəm ki, bu dialoq informasiya mübadiləsinə və Azərbaycan polisi ilə yerli mətbuat arasındakı baxışlara yardım edəcək, həmçinin problemləri həll etməyə kömək edəcək və əməkdaşlığın dərinləşməsinə təşviq edəcək", - ATƏT ofisinin hərbi-siyasi proqramının rəhbəri Con Makqreqor deyib.
Müzakirə polis və KİV barəsində aktual problemlər haqqında məlumatlılıq səviyyəsini yüksəldərək polis zabitləri və jurnalistlərlə müsahibə dərc etməkdə ATƏT-in Bakı ofisinə köməklik göstərən "Jurnalistlər Ekstermal Şəraitdə " İctimai Birliyi ilə birgə təşkil olunub.
Həmçinin, çap nəşriyyatı üçün müsbət dəyişikliklər və Azərbaycanda polis islahatlarının nəticələri mövzusunda müsabiqə keçirilməsi planlaşdırılır.
Bundan əlavə, ATƏT jurnalistlər və polislər üçün həm onların, həm də digərlərinin hüquq və öhdəlikləri, ən yaxşı beynəlxalq təcrübə hesabı ilə davranışın peşəkar qaydaları məsələsi üzrə təlimlər keçirəcək.
Növbəti dəyirmi masa martın 4-də Şəkidə və martın 12-də Lənkəranda keçiriləcək. ATƏT-in Bakı ofisi tərəfindən təşkil edilmiş analoji tədbirlər 2008 və 2009-cu illərdə də keçirilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
