Azərbaycan, Bakı, 03 mart / Trend , müxbir M.Əliyev/
Bavariyanın dövlət naziri Emiliya Müllerin rəhbərliyi ilə nümayəndə heyəti aprelin 21-22-də Bakıda səfərdə olacaq. Bu barədə Trend -a Almaniyanın Azərbaycandakı səfiri Per Stankina məlumat verib.
Onun sözlərinə görə, səfər Bavariya və Azərbaycan arasında əlaqələrin qurulması məqsədi ilə təşkil olunub. "Ötən il Baden-Vürtenberq əyalətinin Baş nazirinin rəhbərliyi ilə nümayəndə heyəti Azərbaycana belə səfər edib", - səfir bildirib.
Dövlət naziri səfər zamanı Azərbaycan hökumətinin nümayəndələri ilə işğüzar görüşlər keçirəcək.