Azərbaycan, Bakı, 20 aprel /Trend, müxbir K.Zərbalıyeva/
Azərbaycan Dövlət Miqrasiya Xidmətinin (DMX) rəisi, II dərəcəli dövlət miqrasiya xidməti müşaviri Arzu Rəhimovun rəhbərlik etdiyi nümayəndə heyəti MDB ölkələri miqrasiya orqanlarının rəhbərləri Şurasının VII iclasında iştirak etmək məqsədilə Rusiya Federasiyasında səfərdə olub. Bu barədə Trend-ə DMX-nin mətbuat xidmətindən məlumat verilib.
İclasda Rusiya, Belarus, Ukrayna, Qazaxıstan və Tacikistanın müvafiq qurumlarının rəhbər nümayəndələri, habelə MDB İcraiyyə Komitəsi, MDB Parlamentlərarası Assambleyasının təmsilçiləri müşahidəçi qismində iştirak ediblər.
Toplantıda MDB ölkələrində miqrasiya sahəsində vəziyyətlə bağlı məlumatlar dinlənilib, bir sıra qərarlar qəbul edilib.
