Аzərbaycan, Bakı, 13 iyul /Trend, müxbir S.Süleymanov/
Azərbaycan məktəbliləri Astanada keçirilən riyaziyyat üzrə 51-ci beynəlxalq olimpiadada medallarla təltif olunublar. Elşad Mustafayev, Alun Şükürlü və Kənan Məlikov gümüş, Emil Cəfərli və Sübhan Rüstəmli isə bürünc medala layiq görülüblər.
51-ci beynəlxalq riyaziyyat olimpiadasının təntənəli yekun mərasimi Qazaxıstanın paytaxtı Astanadakı Müstəqillik sarayında təşkil olunub.
Mərasimdə Qazaxıstanın Baş naziri Kərim Məsimov, təhsil və elm naziri Janseyit Tuymebayev, Senat və Məclisin deputatları, 102 ölkədən tanınmış alimlər iştirak ediblər.