Azərbaycan, Bakı, 11 avqust /Trend, müxbir M.Əliyev/
Azərbaycan və İsrailin "beyin mərkəzləri" arasında əməkdaşlıq və elmi-tədqiqat sahəsində layihələrin həyata keçirilməsi məsələlərini çərşənbə günü Azərbaycan Prezidenti yanında Strateji Araşdırmalar Mərkəzinin direktoru Elxan Nuriyev və İsrailin Azərbaycandakı səfiri Mixail Lavon Lotem müzakirə ediblər. Bu barədə mərkəzin məlumatında deyilir.
Tərəflər siyasi dialoqun davam etdirilməsini, qarşılıqlı səfərlərin həyata keçirilməsini, eləcə də humanitar sahədə əməkdaşlığın vacibliyini vurğulayıblar.