Azərbaycan, Bakı, 13 avqust /Trend, müxbir T.Hacıyev/
Azərbaycanın müxalif Böyük Quruluş Partiyası (BQP) regionlarda yeni təşkilatlar yaradacaq. Bu barədə cümə günü Trend-ə BQP sədri Fazil Mustafa bildirib.
"Bu yaxınlarda Naxçıvanın Culfa və Şahbuz rayonlarında yerli rayon təşkilatları yaradılacaq. Hal-hazırda bununla bağlı təşkilati işlər yekunlaşmaq üzrədir. Avqust ayında həmin təşkilatların yaradılması üçün konfranslar keçiriləcək. Bundan əlavə, Tovuz rayonunda da rayon təşkilatı yaradılacaq", - Mustafa əlavə edib.
Müxalifyönlü BQP 2004-cü ildə yaradılıb, 2005-ci ildə dövlət qeydiyyatına alınıb. Partiyanın sədri Fazil Qəzənfəroğlu Milli Məclisin deputatıdır.
