Azərbaycan xarici işlər nazirinin müavini Türkiyə XİN rəhbəri ilə görüşüb
Azərbaycan xarici işlər nazirinin müavini Araz Əzimov cümə günü Türkiyənin xarici işlər naziri Əhməd Davudoğlu ilə görüşüb. Məlumatı Türkiyə KİV yayıb.
Əzimov martın 9-dan Türkiyədə səfərdədir.
"Naziri müavininin işgüzar səfərinin məqsədi siyasi məsləhətlərin aparılmasıdır", - bundan əvvəl Trend-ə Azərbaycanın Türkiyədəki səfirliyindən məlumat verilib.
Səfər zamanı Əzimov səfirlik tərəfindən Beynəlxalq Strateji Araşdırmalar Mərkəzində (USAK) təşkil olunmuş "Azərbaycanın xarici siyasəti: imkanlar və problemlər" adlı konfransda və Türkiyənin ən nüfuzlu universitetlərindən biri olan Bilkent Universitetində "Regional təhlükəsizlik: Azərbaycan-Türkiyə münasibətləri" konfransında əsas məruzəçi qismində çıxış edəcək.
Əlavə olaraq, nazir müavininin Türkiyə KİV-lərinə müsahibə verəcəyi də nəzərdə tutulub.
