Azərbaycan, Bakı, 8 fevral /Trend, müxbir E.Tariverdiyeva/
NATO baş katibinin Qafqaz və Mərkəzi Asiya üzrə xüsusi nümayəndəsi Ceyms Appaturay fevralda Cənubi Qafqaza səfəri zamanı Şimali Atlantika Alyansının maya planlaşdırılmış Çikaqo sammitinə hazırlıq məsələsini müzakirə edəcək. Bu barədə çərşənbə günü Trend-ə NATO-nun mətbuat katibi Simona de Manso məlumat verib.
Onun sözlərinə görə, Appaturay Bakıya fevralın 10-na nəzərdə tutulmuş səfəri zamanı yüksəkvəzifəli şəxslərlə görüşündə NATO-Azərbaycan əməkdaşlığını müzakirə edəcək.
Appaturay Yerevana da səfər edəcək.