Azərbaycan, Bakı, 27 mart /Trend/
Avropa İttifaqı (Aİ) qarşıdakı Ermənistanda parlament seçkilərinin gedişatını tam izləyəcək. Aİ nümayəndələri ümid edirlər ki, 2008-ci ilin martında baş vermiş hadisələr təkrarlanmayacaq.
Aİ-nin Ermənistandakı səfiri Trayan Xrista ümid edir ki, hakimiyyət vədinə sadiq qalacaq və seçkiləri düzgün və açıq keçirəcək.
Əgər 2012-ci ilin mayın 6-da Ermənistandakı parlament seçkiləri düzgün və ədalətili olacaqsa, Yerevan Avropaya inteqrasiya planında çox şey qazanacaq. Trend-in məlumatına görə, bu barədə Aİ-nin Yerevandakı missiyasının rəhbəri Trayan Xrista "Regnum"un müxbiri ilə söhbət zamanı bildirib.
O qeyd edib ki, mayın 6-da düzgün və ədalətli seçkilərin keçirilməsi Ermənistanın Avropaya inteqrasiyası məsələsində böyük impuls olacaq.
"Biz bu barədə çox bəyan etmişik və diqqətimizi bu istiqamətdə cəmləşdiririk", - səfir deyib.
"Yerevan "müvafiq" seçkilərin keçirilməsi təqdirində Avropadan konkret nəsə gözləyə bilər" sualını səfir belə cavablandırıb:
"Gəlin seçkilərədək gözləyək".