Azərbaycan, Bakı, 22 iyun /Trend/
Rumıniya Xarici İşlər Nazirliyinin mətbuat xidməti Azərbaycan ilə Rumıniya arasında diplomatik əlaqələrin qurulmasının 20 illiyinə həsr olunmuş press reliz dərc edib.
Trend-in məlumatına görə, press relizdə 28 sentyabr 2009-cu ildə hər iki ölkənin prezidentləri tərəfindən imzalanmış "Rumıniya və Azərbaycan arasında strateji tərəfdaşlığın yaradılması haqqında Bəyannamə"dən və bunun həyata keçirilməsi üçün qəbul edilmiş Fəaliyyət Planından söz açılıb.
Həmçinin, press-relizdə ikitərəfli əməkdaşlığın gələcək perspektivlərinə inam ifadə olunub.