Azərbaycan, Bakı, 25 yanvar /Trend/
Cenevrədə Suriya hökuməti və müxalifətinin nümayəndə heyətləri arasında danışıqlar aparılır. Trend-in məlumatına görə, bu barədə RİA Novosti Suriya hökumətinin nümayəndə heyətinə yaxın mənbəyə istinadən xəbər verir.
O, qeyd edib: "Danışıqlar başlayıb, nümayəndə heyətləri BMT və Ərəb Dövlətləri Liqasının Suriya üzrə xüsusi nümayəndəsi əl-Əhdər İbrahimi ilə birlikdə bir zalda əyləşiblər".
Bir az əvvəl İbrahimi bəyan etmişdi ki, "Cenevrə-2" beynəlxalq konfransı çərçivəsində humanitar dəhlizlərin açılması və zorakılığın dayandırılması məsələlərini müzakirə etmək niyyətindədir. Bununla yanaşı, o bildirib ki, Suriyada bəzi qruplaşmalar ölkənin ayrı-ayrı rayonlarına humanitar çıxışın açılmasını dəstəkləmirlər.