Azərbaycan, Bakı, 26 fevral /Trend/
Rusiya xaricdəki hərbi bazalarının sayını artlmaq niyyətindədir və Vyetnam, Kuba, Venesuela, Nikaraqua, Seyşel adaları, Sinqapur daxil olmaqla bir sıra ölkələrlə bununla bağlı danışıqlar aparır. Trend-in RİA Novosti-yə istinadən verdiyi məlumata görə, bunu Rusiyanın müdafiə naziri Sergey Şoyqu jurnalistlərə deyib.
Onun sözlərinə görə, Rusiya hərbi bazalarının sayını artırmağı planlaşdırır: "Vyetnam və Kubadan başqa, bazaların sayını Venesuela, Nikaraqua, Seyşel adaları, Sinqapur və s. ölkələr hesabına artırmağı planlaşdırırıq".
S.Şoyqu qeyd edib ki, danışıqlar aparılır və Rusiya sənədləri imzalamağa yaxındır.