Azərbaycan, Bakı, 2 oktyabr /Trend, müxbir Səba Ağayeva/
Azərbaycanın xarici işlər naziri Elmar Məmmədyarov Avropa Şurasının baş katibi Torbyorn Yaqlandla görüş keçirib.
XİN-in mətbuat xidmətindən Trend-ə bildiriblər ki, görüş ölkəmizin Avropa Şurası Nazirlər Komitəsinə sədrliyi ilə əlaqədar nazir Elmar Məmmədyarovun Avropa Şurası Parlament Assambleyasının payız sessiyasında iştirakı çərçivəsində baş tutub.
Görüş zamanı Ermənistan-Azərbaycan, Dağlıq Qarabağ münaqişəsinin nizamlanması istiqamətində davam edən danışıqlar, Azərbaycanla Avropa Şurası arasında qarşılıqlı əməkdaşlığın hazırkı durumu və inkişaf perspektivləri, Azərbaycanın Avropa Şurası Nazirlər Komitəsinə sədrliyi, Azərbaycanla Avropa Şurası arasında 2014-2016-cı illər üzrə Fəaliyyət Planının icrası, eləcə də regionda və dünyada baş verən proseslərlə bağlı fikir mübadiləsi aparılıb.
Elmar Məmmədyarov və Torbyorn Yaqland Strasburda nələri müzakirə etdilər?
Azərbaycanın xarici işlər naziri Elmar Məmmədyarov Avropa Şurasının baş katibi Torbyorn Yaqlandla görüş keçirib.
