Bakı. Anaxanım Hidayətova - Trend:
22 dekabr tarixində Əfqanıstan İslam Respublikasının Prezidenti Məhəmməd Əşrəf Qaninin yüksək vəzifəli nümayəndə heyəti ilə bir günlük rəsmi dövlət səfəri gözlənilir.
Trend-ə Əfqanıstanın Azərbaycandakı səfirliyindən verilən məlumata əsasən, prezidentlə birgə Xarici İşlər Naziri, Maliyyə Naziri, Milli Təhlükəsizlik Müşaviri, Ticarət və Sənaye Naziri, Əmək və Sosial Təhlükəsizlik Naziri və digər yüksək rütbəli nümayəndələrin də gəlişi planlaşdırılır.