Bakı. Elçin Mehdiyev – Trend:
Azərbaycan Prezidenti İlham Əliyevin BMT Baş Assambleyasının 72-ci sessiyasında çıxışı bütün dünya ermənilərinin 200 illik yalanı üzərində böyük qələbə idi.
Trend-in məlumatına görə, bunu Baş nazirin müavini, Qaçqın və Məcburi Köçkünlərin İşi üzrə Dövlət Komitəsinin sədri Əli Həsənov “İlham Əliyev bizi Cocuq Mərcanlıya qaytardı” kitabının və “Böyük qayıdışın başlanğıcı – Cocuq Mərcanlı” filminin təqdimatında deyib.
Baş nazirin müavini qeyd edib ki, Azərbaycan Prezident İlham Əliyev BMT Baş Assambleyasında uğurlu çıxışı ilə Ermənistanı ifşa etdi:
"Azərbaycan Prezidenti çıxışında son 25 ildə ölkəmizdə görülən uğurlu işləri sadaladı. Serj Sarkisyan isə özünü ifşa etdi".