Bakı. Ləman Zeynalova - Trend:
Azərbaycanda keçiriləcək prezident seçkiləri ilə əlaqədar martın 20-də Müstəqil Dövlətlər Birliyinin (MDB) uzunmüddətli müşahidə missiyasının ölkəyə gəlişi gözlənilir.
Bu barədə Trend-ə təşkilatdan məlumat verilib.
Qısamüddətli müşahidə missiyasının isə seçkilərə 3-5 gün qalmış Azərbaycana gəlməsi planlaşdırılır.
Qeyd edək ki, Azərbaycanda prezident seçkiləri aprelin 11-də keçiriləcək.
Seçkiqabağı təşviqat kampaniyası martın 19-u başlayıb aprelin 10-u saat 08:00-da başa çatacaq.