Bakı. Trend:
Azərbaycanın müdafiə naziri general-polkovnik Zakir Həsənov Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzəyə başsağlığı ünvanlayıb.
Bu barədə Trend-ə Azərbaycan Müdafiə Nazirliyindən məlumat verilib.
Başsağlığında deyilir: "Bəlucistan əyalətinin Qvadar şəhərində
helikopterin qəzaya uğraması nəticəsində qardaş Pakistan Hərbi
Dəniz Qüvvələrinin hərbi qulluqçularının şəhid olması haqqında
məlumat məni dərindən kədərləndirir.
Həlak olanlara rəhmət diləyir, onların yaxınlarının dərdlərinə
şərik olur, ailələrinə dərin hüznlə başsağlığı verir və Allahdan
səbr diləyirik. Ruhları şad, xatirələri əziz olsun.
Allah rəhmət eləsin"