Bakı. Trend:
Şimali Kipr Türk Cümhuriyyətinin Prezidenti Ersin Tatar Beynəlxalq Türk Mədəniyyəti və İrsi Fondunu ziyarət edib.
Trend-in xəbərinə görə, E.Tatar ziyarət çərçivəsində fondun prezidenti Günay Əfəndiyeva ilə görüşüb.
G.Əfəndiyeva Şimali Kipr Prezidentinə Beynəlxalq Türk Mədəniyyəti və İrsi Fondunun fəaliyyəti barədə məlumat verib.
Sonda Şimali Kipr Prezidenti və xanımına hədiyyələr təqdim edilib.
Qeyd edək ki, Şimali Kipr Türk Respublikasının Prezidenti Ersin Tatar oktyabrın 12-də Azərbaycana səfərə gəlib. Oktyabrın 13-14-də Bakıda Şimali Kiprin Mədəniyyət Günləri keçirilib. E.Tatarın Azərbaycana səfəri bu gün başa çatıb.
