Azərbaycanın xarici işlər naziri Elmar Məmmədyarov iyunun 13-də Parisdə erməni həmkarı ilə növbəti görüşdə iştirak etmək niyyətindədir. Bu barədə Trend ə Azərbaycan XİN Mətbuat və İnformasiya Siyasəti İdarəsinin rəisi Tahir Tağızadə bildirib.
Nazirlərin görüşü "Praqa prosesi"nin davamı çərçivəsində keçiriləcək və tərəflər Ermənistan-Azərbaycan, Dağlıq Qarabağ münaqişəsinin sülh yolu ilə nizamlanması yollarını müzakirə edəcək.
Danışıqlarda ATƏT-in Minsk Qrupu həmsədrləri də iştirak edəcək.
Xatırladaq ki, Azərbaycan və Ermənistan prezidentlərinin sonuncu görüşü iyunun 4-5-də Buxarestdə keçirilib. O zaman prezidentlər xarici işlər nazirlərinə tərəflərin mövqelərini yaxınlaşdırmaq üçün məsləhətləşmələri davam etdirmək göstərişi vermişdi. Paris görüşündə İlham Əliyev və Robert Köçəryan arasında növbəti görüşün keçirilməsi imkanları nəzərdən keçiriləcək.