ATƏT-in Minsk Qrupunun amerikalı həmsədri Metyu Brayza Dağlıq Qarabağ münaqişəsi zonasına səfərinin yekunları barədə Parisdə həmkarlarına məlumat vermək niyyətindədir. Trend in xəbər verdiyi kimi, bu barədə o, avqustun 1-də Bakıda Azərbaycanın Xarici İşlər Nazirliyində aparılmış məsləhətləşmələrin yekunları üzrə məlumat verib.
Diplomat bildirib ki, Azərbaycan hökuməti ilə danışıqlarda Azərbaycan-Amerika əməkdaşlığının inkişafı ilə bağlı məsələlər müzakirə olunmur. "ATƏT-in Minsk qrupunun həmsədri kimi mən prezident və xarici işlər nazirinin Dağlıq Qarabağ münaqişəsinin sülh yolu ilə həlli prosesinə dair fikirlərini dinləmək niyyətindəyəm", - deyə M.Brayza bildirib.
O qeyd edib ki, həmkarları, yəni ATƏT-in Minsk qrupunun həmsdərləri ilə bu səfərin yekunlarına dair fikir mübadiləsi aparmaq üçün avqustun 2-də Parisə getmək niyyətindədir.