Aztəminatlı ailələrin sosial vəziyyətinin yaxşılaşdırması məqsədi ilə ölkəmizdə ünvanlı sosial yardımlar verilir. Kəngərli Rayon Əhalinin Sosial Müdafiəsi Mərkəzinin direktoru Nazim Canbaxşıyevin "Trendə" bildirdiyinə görə, iyul ayının 15-nə kimi 359, 15-dən indiyədək isə 41 vətəndaş bu yardımı almaq üçün ərizə ilə mərkəzə müraciət edib. Yaradılmış komissiya tərəfindən həmin ərizələrdən 359-a baxılsa da, yalnız 63 nəfərin iddiası təmin olunaraq onlara sosial yardım verilməsi qanuna uyğun hesab olunub.
Yardım almaq istəyən 96 nəfər vətəndaş isə sənədləşməni düzgün aparmadığından komissiya üzvləri onların ərizələrinə yenidən baxacaq.