Azərbaycanın işğal olunmuş ərazilərində yanğın faktlarını araşdıracaq ATƏT-in beynəlxalq ekspert qrupu bölgəyə səfərin nəticələri üzrə hesabat hazırlayır. Trend xəbər verir ki, bu barədə jurnalistlərə ATƏT-in iqtisadi və ekoloji fəaliyyət məsələləri üzrə koordinatoru, ekspert qrupunun rəhbəri Bernard Snou (Bernard Snow) məlumat verib.
O qeyd edib ki, qrup 10 təcrübəli beynəlxalq ekspertdən ibarətdir. Sabah səhər nümayəndə heyəti yanğından zərər çəkmiş yerlərə yola düşəcək. Missiya 10 gün ərzində bölgədə olacaq.
Xatırladaq ki, missiya Azərbaycan XİN-də danışıqlar aparıb. Azərbaycan tərəfdən görüşdə həmçinin digər nazirliklərin nümayəndələri də iştirak edib və missiyanın mandatı müzakirə olunub.