İraqa ezam olunmuş Azərbaycan sülhməramlılarının maaşlarının mənimsənilməsi faktı ilə bağlı Bakı Hərbi Prokurorluğunda araşdırma başa çatıb. Bu barədə Trend ə Azərbaycan Respublikası hərbi prokurorunun köməkçisi Əfrahim Tağıyev məlumat verib.
"Bu fakt üzrə Hərbi Prokurorluğa məlumat daxil olandan sonra Bakı Hərbi Prokurorluğunda araşdırmalar aparılırdı. İş üzrə təyin olunmuş müstəntiq bir neçə dəfə İraqa ezam olunaraq əsgərləri dindirdi. Lakin fakt təsdiqini tapmadığı üçün faktla əlaqədar cinayət işi başlanması rədd edildi" - deyə Ə.Tağıyev söyləyib.
Qeyd edək ki, bu barədə Azərbaycanın prokurorluq orqanına məlumat daxil olandan sonra həmin sülhməramlı qrupun komandiri Elxan Şalbuzov müdafiə nazirinin əmri ilə geri çağırılıb.