Milli Məclisin təbii ehtiyatlar, energetika və ekologiya məsələləri daimi komissiyası sədrinin müavini Elton Məmmədov MDB Parlament Assambleyasının (PA) aqrar siyasət, təbii sərvətlər və ekologiya məsələləri üzrə koimitə sədrinin müavini seçilib. Bu barədə Trend ə Elton Məmmədovun özü bildirib.
Qeyd edək ki, E.Məmmədov MDB PA-nın aqrar siyasət, təbii sərvətlər və ekologiya məsələləri üzrə koimitəsinin oktyabrın 16-20-də Sankt-Peterburqda keçirilən iclasında seçilib. Millət vəkili bildirib ki, bu iclasda assambleyanın plenar iclasına çıxarmaq üçün model qanunlar qəbul edilib.
E.Məmmədov Azərbaycan qanunvericiliyində ekoloji sahədə qəbul etdiyimiz qanunlar barədə çıxış etdiyini deyib. MDB PA-nın adıçəkilən komitəsinin növbəti iclası may ayında Sankt-Peterburqda keçiriləcək.