AB-nin Cənubi Qafqaz ölkələri üzrə xüsusi nümayəndəsi Piter Semnebi Bakıda çoxlu görüşlər keçirəcək. Bu barədə Trend ə Azərbaycan XİN-in mətbuat və informasiya siyasəti idarəsinin rəhbəri Tahir Tağızadə xəbər verib.
Piter Semnebinin Bakı proqramına dekabrın 15-də xarici işlər naziri Elmar Məmmədyarovla, iqtisadi inkişaf naziri Heydər Babayevlə və prezident İlham Əliyevlə görüşü daxildir. Dekabrın 16-da P.Semnebi səfərin yekunları barədə mətbuat konfransı keçirmək niyyətindədir. Dekabrın 16-da səfər başa çatacaq və P. Semnebi Gürcüstana və Ermənistana yollanacaq.