...

YAP Astara rayon təşkilatının konfransı keçirilib

Siyasət Materials 12 Mart 2007 14:41 (UTC +04:00)

Azərbaycan, Bakı / Trend müxbir İ.Əlizadə/ Hakim Yeni Azərbaycan Partiyası (YAP) Astara rayon təşkilatının VI konfransı keçirilib. Bu barədə YAP mətbuat xidmətindən məlumat verilib. Konfransın işində 280 nəfər iştirak edib. Konfransda YAP Astara rayon təşkilatının sədri Əliheydər Həmzəyev hesabat məruzəsi ilə çıxış edərək keçən dövrü təhlil edib və qarşıda duran məsələlərdən danışıb.Konfransda partiyanın rayon təşkilatının idarə heyətinin üzvü Seyran Şiriyev, Şüvü kənd ərazi ilk partiya təşkilatının sədri Əbülfət Qüdrətov, nəzarət-təftiş qrupunun sədri Səfərəli Məmmədov, partiya fəallarından İsmayıl Məmmədov və başqaları çıxış ediblər. Konfransda həmçinin rayon təşkilatının şurası və nəzarət təftiş qrupu seçilib. Açıq səsvermə yolu ilə Natiq Nəhmət oğlu İbadov YAP Astara rayon təşkilatının sədri seçilib.YAP İdarə Heyətinin üzvü Kərim Kərimov, YAP Siyasi Şurasının üzvü, MM-in deputatı Mirkazım Kazımov konfransda iştirak ediblər.Konfransın sonunda Azərbaycan prezidenti, YAP sədri İlham Əliyevə müraciət qəbul edilib.

Qeyd edək ki, YAP 1992-ci ildə Naxçıvanda yaradılıb. Partiyanın ilk sədri mərhum eks-prezident Heydər Əliyev olub. 14 ildir ki, hakim partiya olan YAP-ın indiki sədri prezident İlham Əliyevdir.

Xəbər lenti

Xəbər lenti