Azərbaycan, Bakı / Trend müxbir İ.Əlizadə/ Bir neçə saatdan sonra İsrail knessetində (parlament) qondarma "erməni soyqırımı"na dair dinləmələr keçiriləcək. Bu bardə məlumat verən Azərbaycan Milli Məclisinin yəhudi əsilli deputatı Yevda Abramov bildirib ki, knessitdə qondarma "erməni soyqırımı"na dair dinləmələrin keçirilməsi təşəbbüsünü İsrailin ərəbyönlü "Meres" Partiyası irəli sürüb: "Meres" ərəbyönlü radikal müxalifət partiyasıdır və knessetdə 5 deputatla təmsil olunur. Onların heç bir gücü yoxdur. Heç parlamentdə fraksiya da yarada bilməyiblər."
Y.Abramovun sözlərinə görə, İsrail knessetinin rəhbərliyi və orada təmsil olunan partiyalar qondarma "erməni soyqırımı"na dair müzakirələrin keçirilməsini dəstəkləmirlər. O qeyd edib ki, bu gün keçiriləcək dinləmələrdə deputatların əksəriyyəti iştirak etməyəcəyini əvvəlcədən bəyan ediblər.
"İsrail dövlətinin və parlamentinin qondarma "erməni soyqırımı" ilə bağlı mövqeyi məlumdur. İsrail dövləti hesab edir ki, belə bir hadisə olmayıb. İsrail demokratik ölkədir və hər bir knesset üzvünün təşəbbüslə çıxış etmək hüquqi var. Bunun qarşısını almaq olmaz. Amma bizim də orada dostlarımız var. Mən onlarla danışmışam və İsrail-Azərbaycan parlamentlərarası dostluq qrupunun üzvləri bildirdilər ki, əgər bu təşəbbüsü irəli sürənlər müzakirələrin aparılmasında təkid etsələr, onlar da çıxışa yazılacaqlar, "ernəni soyqırımı" iddialarının uydurma və cəfəngiyat olduğunu sübüta yetirəcəklər", -deyə Y.Abramov əlavə edib.
Onun fikrincə, Azərbaycan və Ermənistan xarici işlər nazirlərinin görüşü ərəfəsində bu məsələnin gündəmə gətirilməsi təsadüfi deyil: "Burada ermənilərin əli var. Hər dəfə Azərbaycan və Ermənistan arasında kiçik bir yaxınlaşma olanda İsrail və Fələstində nəsə bir hadisə baş verir."
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
