Azərbaycan, Bakı, 18 noyabr/ Trend , müxbir R.Ergün/ "Simurq" futbol klubu Azərbaycan Futbol Federasiyaları Assosiasiyasının (AFFA) İntizam Komitəsi tərəfindən 2000 manat cərimə edilib. Bu barədə Trend -a Peşəkar Futbol Liqasının (PFL) mətbuat xidməti məlumat verib.
İntizam Komitəsi bazar günü Azərbaycan Premyer-Liqasının 11-ci turu çərçivəsində keçirilən "Simurq" - "Bakı" oyunu başa çatdıqdan sonra azarkeşlər tərəfindən meydançaya kənar əşyalar atıldığı üçün Zaqatalanı təmsil edən klubu cəzalandırıb.
"Simurq" "Bakı"ya 2:1 hesabı ilə qalib gəlib. Komanda hazırda 26 xalla turnir cədvəlinin 1-ci pilləsində qərarlaşıb.
Mətbuat xidmətinin məlumatına görə, "İnter" klubu "Qarabağ"la oyunda 5 futbolçusu sarı vərəqə ilə cəzalandığı üçün 1000 manat cərimə edilib.
"İnter" - "Qarabağ" oyunu 1:1 hesabı ilə başa çatıb.
Hazırda 25 xalı olan "İnter" Premyer-Liqanın turnir cədvəlində 3-ci pilləni tutur.
Məqalə müəllifi ilə əlaqə ünvanı: [email protected]