Azərbaycan, Bakı, 14 oktyabr / Trend , müxbir /H..Bağırov/
Trend -un məlumatına görə, çərşənbə günü Bakı Apellyasiya Məhkəməsində keçirilən prosesdə "Bank Standart"ın əməkdaşlarının apellyasiya şikayəti üzrə qərar elan edilib. Qərara görə, Ağır Cinayətlərə Dair İşlər üzrə Məhkəmənin hökmü qismən dəyişidirilib. İlyas İlyaszadə, Anar Abdullayev, Səid Rəhimova 4 il 3 ay, Ruslan Əliyevə isə 2 il 6 ay azadlıqdan məhrum etmə cəzası təyin edilib.
Ağır Cinayətlərə Dair İşlər üzrə Məhkəmənin hökmü ilə İlyaszadə, Rəhimov və Əliyevin hər birinə 6 il 6 ay, Abdullayevə isə 4 il azadlıqdan məhrumetmə cəzası təyin edilmişdi.
Dəstə üzvləri 2007-2008-ci illərdə kompüter informasiyalarına qanunsuz yolla daxil olmaqla, bankın 12 müştərisinin hesabından 300 min manatdan artıq pul çıxarıb.
İlyasov və Rəhimov bankın adına saxta plastik kartlar hazırlamaqda və yaymaqda da ittiham olunurlar.
Dəstə üzvləri 2008-ci ilin noyabrında Milli Təhlükəsizlik Nazirliyinin əməkdaşları tərəfindən saxlanılıblar.
Məqalə müəllifi ilə əlaqə ünvanı: [email protected]
