Britaniyanın "TheLondonPost.net" internet portalında 20 Yanvar faciəsinin 20-ci ildönümünə həsr edilən "Azərbaycan 20 Yanvar qurbanlarını yad edir" adlı məqalə yerləşdirilib. Bu barədə Azərbaycanın Böyük Britaniyadakı səfirliyindən məlumat verilib.
Məqalədə yüzlərlə silahız insan, o cümlədən uşaq və qocaların faciə nəticəsində həlak olması faktı öz əksini tapıb.
Məqalənin müəllifi bu faciəni təkcə Azərbaycana qarşı deyil, bütünlükdə insanlığa qarşı törədilən cinayət kimi xarakterizə edib.
1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən, Sovet ordusu Azərbaycana qarşı hərbi əməlliyatlara başlayıb. Faciə zamanı 132 insan öldürülüb, onlardan 117-si azərbaycanlıdır. 744 adam ağır xəsarət alıb, 4 nəfər itkin düşüb, 400 nəfər həbs edilib. Yanvarın 20-də fövqəladə vəziyyət elan ediləndən sonra daha 21 nəfər qətlə yetirilib. Fövqəladə vəziyyət elan edilməmiş rayonlarda (Neftçala, Lənkəran) 26 nəfər qətlə yetirilib