Azərbaycan, Bakı, 24 may/ Trend
Azərbaycan Nazirlər Kabineti "Bakı Metropoliteninin yeni tikiləcək stansiyalarının adlandırılması barədə" qərar verib.
Nazirlər Kabinetindən çərşənbə axşamı Trend-ə verilən məlumata görə, Bakı şəhəri, Binəqədi rayonu, Moskva prospektində yerləşən Bakı Metropoliteninin yeni tikiləcək stansiyası "Avtovağzal" adlandırılacaq.
Binəqədi rayonu, 7-ci mikrorayon, S.S.Axundov küçəsində yerləşən yeni tikiləcək stansiya isə "Dərnəgül" adlanacaq.
NK Bakı Şəhər İcra Hakimiyyəti və Bakı Metropoliteni bu qərardan irəli gələn məsələləri həll etməyi tapşırıb.
Bakı Metropoliteni 1967-ci ildən fəaliyyət göstərir. Hazırda metronun 22 stansiyası var.