Azərbaycan, Bakı, 9 iyul /Trend, müxbir İ.İsabalayeva/
İyulun 11-də Bakıda "Davamlı inkişaf mədəniyyəti: formalaşma problemləri və perspektivləri" adlı beynəlxalq elmi konfrans keçiriləcək.
Mədəniyyət və Turizm Nazirliyinin mətbuat xidmətindən Trend-ə verilən məlumata görə, tədbirin keçirilməsində məqsəd mədəniyyət siyasətinin həyata keçirilməsində elmin iştirakını təmin etmək, habelə ölkəmizdə mədəniyyət təzahürlərinin təhlilinə həsr olunmuş tədqiqatları dəstəkləməkdir.
Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi tərəfindən keçiriləcək konfransda Rusiya, Ukrayna, Belarus və Litva kimi ölkələrin tanınmış elmi qurumları və müvafiq ali məktəbləri təmsil olunacaq.