Azərbaycan, Bakı, 9 noyabr /Trend, müxbir B.Hacıyev/
FİFA rəsmisi - FİFA-nın Qadın Futbolunun İnkişafı üzrə meneceri Mayrilian Kruz-Blankonun Azərbaycana səfəri başlayıb. Bu gün AFFA-nın inzibati binasında baş katib Elxan Məmmədovla Mayrilian Kruz-Blanko arasında görüş keçirilib.
Trend-in çərşənbə günü AFFA-nın rəsmi satına istinadən yaydığı məlumata görə, Azərbaycanda qadın futbolunun inkişafı ilə bağlı görülən işlər barədə FİFA rəsmisinə ətraflı məlumat verilib, FİFA U-17 qadınlararası dünya çempionatı Azərbaycan 2012-nin startına qalan müddət ərzində qadın futbolu ilə əlaqədar həyata keçiriləcək layihələr müzakirə olunub.
2012-ci il sentyabrın 22-dən oktyabrın 13-dək FİFA U-17 qadınlararası dünya çempionatı Azərbaycanda keçiriləcək.
FİFA U-17 qadınlararası dünya çempionatı Azərbaycan-2012 ilə bağlı FİFA-nın geniş tərkibli nümayəndə heyəti Azərbaycanda səfərdədir.