Azərbaycan, Bakı, 15 oktyabr /Trend, müxbir K.Zərbalıyeva/
Bakı şəhər yol polisinin 220-dən artıq əməkdaşı xidməti fəaliyyətində nöqsanlara yol verdiyi üçün cəzalandırılıb.
Bakı Şəhər Dövlət Yol Polisi İdarəsinin bölmə rəisi Vaqif Əsədov Trend-ə bildirib ki, bu ilin 9 ayında idarənin 222 əməkdaşına intizam tənbehi tədbiri verilib.
Onlardan 61-i zabit, 161-i sıravi əməkdaş olub. 16 sıravi əməkdaş, 1 zabit daxili işlər orqanlarından, 4 zabit və 6 sıravi əməkdaş vəzifədən azad edilib.
9 sıravi əməkdaş, 2 zabit öz arzusu ilə, 4 sıravi əməkdaş, 3 zabit isə yaş həddinə görə daxili işlər orqanlarından xaric edilib.
Əsədov bildirib ki, hesabat dövründə İdarənin 199 əməkdaşı vəzifəsini nümunəvi yerinə yetirdiyinə görə mükafatlandırılıb. Onlardan 77-i zabit, 122-si sıravi əməkdaş olub.