Azərbaycan, Bakı, 27 sentyabr/Trend, müxbir H. Vəliyev/
SMS-sorğu vasitəsi ilə mobil telefonun IMEI kodunun yoxlanılması üzrə xidmətin tətbiqi oktyabrın ortalarında gözlənilir. Bu barədə cümə günü Trend-ə Rabitə və İnformasiya Texnologiayaları Nazirliyindın bildiriblər.
Nazirliyin məlumatına görə, yoxlamanın yeni qaydası mobil telefonun IMEI kodunun orijinallağına əmin olmağa imkan verəcək. Bunun üçün IMEI kodunu SMS-lə qısa nömrəyə göndərmək tələb olunur. Sorğunun göndəriləcəyi qısa nömrə xidmət istismara verildikdən sonra açıqlanacaq.
Nazirlikdən deyiblər ki, SMS-məlumatlandırma xidmətinin tətbiqi üzrə sınaq işləri yekun mərhələdədir.
IMEI kodun yoxlanılması üzrə yeni qayda istifadəçini keyfiyyət standartlarına cavab verməyən məhsulların alışından vaxtından əvvəl qorumağa imkan verəcək. Belə ki, kodun Azərbaycanda mobil şəbəkələrdə sonrakı işi mümkünsüz ola bilər.
Qeyd edək ki, hazırda Azərbaycanda mobil telefonların IMEI kodlarının məlumat bazasında 13 milyondan artıq mobil telefon qeydiyyata alınıb.