Azərbaycanda vakant dövlət qulluğu vəzifələrinin tutulması üçün ümumi müsahibə elan edilib

Azərbaycan, Bakı, 3 sentyabr /Trend, müxbir İlkin İzzət/

Azərbaycanda dövlət orqanlarında vakant olan 23 yer üzrə ümumi müsahibə elan edilib.

Azərbaycan Respublikasının Prezidenti yanında Dövlət Qulluğu Məsələləri üzrə Komissiyadan Trend-ə bildiriblər ki, Komissiya dövlət orqanlarında vakant dövlət qulluğu vəzifələrinin tutulması üçün ümumi müsahibə elan edir.

Ümumi müsahibədə iştirak etmək istəyən vətəndaşlar sənədlərini 03 sentyabr 2014-cü il tarixdən 22 sentyabr 2014-cü il tarixdə saat 18:00-dək Azərbaycan Respublikasının Prezidenti yanında Dövlət Qulluğu Məsələləri üzrə Komissiyaya (AZ1110, Bakı şəhəri, K.Rəhimov küçəsi, 874-cü məhəllə) təqdim etməlidirlər. Müraciət forması şəxsən (bazar ertəsi - cümə günləri saat 09:00-dan 12:30-dək və 14:00-dan 17:30-dək) və yaxud poçt vasitəsilə kağız daşıyıcılarla təqdim edilə bilər.

Qeyd edək ki, ümumi müsahibəyə 6 dövlət orqanında 22 vəzifə üzrə 23 vakant yer çıxarılıb.