...

Nizami rayonunda "Breyn-rinq" intellektual yarışı keçirilib (FOTO)

Cəmiyyət Materials 21 Aprel 2015 17:05 (UTC +04:00)
Ümummilli lider Heydər Əliyevin anadan olmasının 92-ci ildönümü münasibətilə Nizami rayon İcra Hakimiyyətinin, Yeni Azərbaycan Partiyası (YAP) Nizami rayon təşkilatının, rayon Gənclər və İdman İdarəsinin birgə təşkilatçılığı ilə məktəblilər arasında “Breyn-rinq” intellektual yarışı keçirilib.
Nizami rayonunda "Breyn-rinq" intellektual yarışı keçirilib (FOTO)

Azərbaycan, Bakı, 21 aprel /Trend/

Ümummilli lider Heydər Əliyevin anadan olmasının 92-ci ildönümü münasibətilə Nizami rayon İcra Hakimiyyətinin, Yeni Azərbaycan Partiyası (YAP) Nizami rayon təşkilatının, rayon Gənclər və İdman İdarəsinin birgə təşkilatçılığı ilə məktəblilər arasında "Breyn-rinq" intellektual yarışı keçirilib.

Yarışın açılış mərasimində çıxış edən Yeni Azərbaycan Partiyası (YAP) Nizami rayon təşkilatının sədri, Milli Məclisin deputatı Sədaqət Vəliyeva Azərbaycanda müasir, müstəqil, demokratik dövlətin qurulmasında və inkişafında ümummilli lider Heydər Əliyevin əvəzsiz xidmətlərindən, qazanılmış uğurlardan danışıb.

Deputat bildirib ki, müstəqil Azərbaycanın uğurları ulu öndər Heydər Əliyevin adı ilə bağlıdır. Ümummilli Liderin siyasi kursu ölkəmizdə əmin-amanlığı, dinamik inkişafı təmin edib.

Çıxış edən Nizami rayon İcra Hakimiyyəti başçısının müavini Gülnaz İsrafilova qeyd edib ki, ümummilli lider Heydər Əliyevin siyasi kursunu bu gün uğurla davam etdirən Yeni Azərbaycan Partiyasının sədri, Prezident İlham Əliyevin əsas məqsədi ölkədə intellektual və kreativ gənclər ordusunu formalaşdırmaqdır.

Vurğulayıb ki, bu cür intellektual yarışların əsas məqsədi dövlətin gənclər siyasətinə dəstək vermək və gənc intellektləri üzə çıxarmaqdır.

Çıxışlardan sonra yarış başlanıb.

Yarışda rayonun 22 məktəbinin 5 nəfərdən ibarət komandaları iştirak ediblər.

Olimpiya sistemi üzrə yarışan komandalara ümummilli lider Heydər Əliyevin həyat və fəaliyyətinə dair suallar verilib. Lakin komandalar arasında rəqabət güclü olduğundan əlavə suallar da səsləndirilib. Yalnız bundan sonra birinci, ikinci və üçüncü yerlərin qalibləri müəyyənləşdirilib.

Yarışın qalibi 10 nömrəli orta məktəbin şagirdləri olublar. İkinci və üçüncü yerləri isə müvafiq olaraq 227 və 129 nömrəli məktəblərin komandaları bölüşüblər.

Sonda qalib komandaların üzvlərinə diplomlar və medallar təqdim edilib.

Məqalədə:
Xəbər lenti

Xəbər lenti