...

Səyyar ASAN xidmət Ağdam, Astara və Göyçayda

Cəmiyyət Materials 28 Sentyabr 2015 11:54 (UTC +04:00)
Səyyar ASAN xidmət Ağdam, Astara və Göyçayda vətəndaşlara xidmət göstərəcək.
Səyyar ASAN xidmət Ağdam, Astara və Göyçayda

Azərbaycan, Bakı, 28 sentyabr /Trend/

Səyyar ASAN xidmət Ağdam, Astara və Göyçayda vətəndaşlara xidmət göstərəcək.

28 sentyabr-12 oktyabr tarixlərində Səyyar ASAN xidmət Ağdam rayonunda Ağdam və Ağcabədi, Astara rayonunda Astara və Lənkəran, Göyçay rayonunda isə Göyçay və Ağdaş sakinlərinə səyyar formada xidmət göstərəcək.

ASAN-dan Trend-ə verilən məlumata görə, səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Dövlət Sosial Müdafiə Fondu və Əmlak Məsələləri Dövlət Komitəsi tərəfindən təqdim olunur.

Bu xidmətlərə aşağıdakılar daxildir:

Notariat fəaliyyəti;
Vətəndaşlıq vəziyyəti aktlarının dövlət qeydiyyatı;
Şəxsiyyət vəsiqələrinin verilməsi və dəyişdirilməsi;
Ümumvətəndaş pasportlarının verilməsi və dəyişdirilməsi;
Sürücülük vəsiqələrinin dəyişdirilməsi;
Əmək pensiyalarının təyin edilməsi;
Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;
Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin ediməsi və vətəndaş məmnunluğuna nail olunmasıdır.

Məqalədə:
Xəbər lenti

Xəbər lenti