Azərbaycan, Bakı, 1 oktyabr /Trend, müxbir Elmir Murad/
Bakı-Sumqayıt (Bakı Beynəlxalq Avtovağzal Kompleksinin yaxınlığı, Sumqayıt şəhəri istiqamətində) şossesində tıxac yaranıb.
Nəqliyyatı İntellektual İdarəetmə Mərkəzindən Trend-ə verilən məlumata görə, sözügedən yolda sıxlıq piyada keçidinin tikintisi ilə əlaqədar olaraq yaranıb.
Tikinti işlərini aparan "Körpü-Bina-Tikinti" MMC tərəfindən verilən məlumata əsasən, piyada keçidinin tikintisi zamanı yolun bəzi zolaqları qısa müddət ərzində bağlı olacaq.
Tikinti işləri 2 ay davam edəcək. Sürücülərə alternativ olaraq Binəqədi şossesi və Rəşid İsmayılov küçələrindən istifadə etmələri tövsiyə olunur.
