Bakı. İlhamə İsabalayeva – Trend:
Azərbaycanda natamam, aztəminatlı, çoxuşaqlı və valideyn himayəsidən məhrum olan uşaqları himayəyə götürən ailələrə əlavə dəstək mexanizminin yaradılması nəzərdə tutulur.
Trend-in məlumatına görə, bu, 2018-ci ilin dövlət büdcəsi zərfinin layihəsində öz əksini tapıb.
Layihədə qeyd edilir ki, dövlət tərəfindən himayədarlıq qayğısı sisteminin genişləndirilməsi istiqamətində zəruri işlərin həyata keçirilməsi, uşaqlı ailələrə verilən müavinət sisteminin təkmilləşdirilməsi 2018-2021-ci illər ərzində qarşıya qoyulan məqsədlərdəndir.
Bununla yanaşı, ölkədə müasir sosial müdafiə sisteminin qurulması, yoxsulluğun azaldılması məqsədilə ailələrin sosial yardımlara olan ehtiyacının müəyyən edilməsi qaydalarının təkmilləşdirilməsi də nəzərdə tutulur.