Bakı. Elçin Mehdiyev – Trend:
Dini Qurumlarla İş üzrə Dövlət Komitəsinin sədri şəhidlər üçün ayrıca məzarlığın salınması ilə bağlı Milli Məclisin komitə iclasında səsləndirilən fikrə münasibət bildirib.
Trend-in məlumatına görə, Dövlət Komitəsinin sədri Mübariz Qurbanlı vurğulayıb ki, döyüş zamanı şəhid olan əsgərlərin dəfni ilə bağlı qaydalar mövcuddur və bütün məzarlıqlarda həmin qaydalar tətbiq olunur: “Təklif olunur ki, ayrıca məzarlıq salınsın. Hazırki qaydalarda şəhidlərin dəfni məzarlıqların bir hissəsində həyata keçirilir. Yəni, ümumi qaydalar mövcuddur”.
O həmçinin əlavə edib ki, bu təklif müzakirə edilə bilər.
Qeyd edək ki, şəhid olan hərbçilərə ayrıca məzarlığın salınması təklifini Milli Məclisin Regional Komitəsinin sədri Arif Rəhimzadə irəli sürüb.