Bakı. İlhamə İsabalayeva - Trend:
Beynəlxalq Fotosintez Cəmiyyətinin təsis etdiyi “Akademik Cəlal Əliyev adına mükafat”a ilk dəfə Yaponiyanın Okayama Universitetinin professoru Şen Jian-Ren layiq görülüb.
Azərbaycan Milli Elmlər Akademiyasından Trend-ə verilən məlumata görə, mükafatı alimə AMEA-da keçirilən akademik Cəlal Əliyevin 90 illik yubileyinə həsr olunan beynəlxalq konfransda Beynəlxalq Fotosintez Cəmiyyətinin katibi, professor Culian İton-Ray təqdim edib.
Tədbirdə qurumun katibi “Akademik Cəlal Əliyevin dünya fotosintez elminə verdiyi töhfələr” mövzusunda məruzəsində görkəmli alim Cəlal Əliyevin Azərbaycanda biologiya elminin bir sıra yeni istiqamətlərinin müəyyənləşdirilməsində və onun aktual problemlərinin həllində, bütövlükdə aqrar elmin inkişafında, buğdanın məhsuldarlığının əsası kimi fotosintez prosesinin kompleks tədqiqində göstərdiyi rolundan danışıb.