...

Komitə: Azərbaycanda özəl qəbiristanlıqların olması mümkün deyil

Cəmiyyət Materials 10 May 2019 13:44
Azərbaycanda özəl qəbiristanlıqların olması mümkün deyil.
Komitə: Azərbaycanda özəl qəbiristanlıqların olması mümkün deyil

Trend-i buradan izləyin

Bakı. Samir Əli - Trend:

Azərbaycanda özəl qəbiristanlıqların olması mümkün deyil.

Trend-in məlumatına görə, bunu jurnalistlərə açıqlamasında Dini Qurumlarla İş üzrə Dövlət Komitəsinin sədr müavini Gündüz İsmayılov deyib.

Onun sözlərinə görə, Nazirlər Kabinetinin təsdiqlədiyi sənədə əsasən, qəbiristanlıqlar bələdiyyələrin balansında olmalıdır: "Qəbiristanlıqlarla bağlı bütün məsələlər həmin sənədlə tənzimlənməlidir. Həmin sənəddə isə qəbiristanlıqların salınması, dəfn işinin təşkili öz əksini tapıb".

G.İsmayılovun sözlərinə görə, hazırda bu istiqamətdə işlər aparılır və aidiyyəti qurumlar tərəfindən ictimaiyyətə əlavə məlumat veriləcək:

"Qəbiristanlıqların bələdiyyələrin balansına verilməsi ilə bağlı konkret müddət Nazirlər Kabinetinin müvafiq qərarında əksini tapıb. Həmin müddətin növbəti bələdiyyə seçkiləri ilə bağlı heç bir əlaqəsi yoxdur".

Komitə rəsmisi əlavə edib ki, Nazirlər Kabinetinin qəbiristanlıqlarla bağlı müvafiq qərarında Şəhidlər və Fəxri Xiyabanlarla bağlı məsələlər də öz əksini tapıb.

Məqalədə:
Xəbər lenti

Xəbər lenti