Bakı. Samir Əli - Trend:
Şərti adı “B3” olan metro stansiyasında işlər davam edir.
Trend-in məlumatına görə, “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib.
O bildirib ki, stansiyada son yekunlaşma işləri aparılır:
“Stansiya 3 mərtəbəli olacaq. Artıq stansiyada 17 eskalator quraşdırılıb. Stansiyada sərnişinlər üçün nəzərdə tutulan liftlər də quraşdırılır. İşlər demək olar ki, yekunlaşıb. Sadəcə karantin rejimi ilə əlaqədar sərhədlərin bağlı olması səbəbindən ola bilər ki, hansısa avadanlıqların gətirilməsi ləngiyər. Belə hal olmazsa, stansiya ilin sonunda sərnişinlərin istifadəsinə verilə bilər”.