Bakı. Trend:
Valideyn himayəsindən məhrum olmuş və xüsusi qayğıya ehtiyacı olan uşaqlara kömək edilməsi, onların cəmiyyətə gərəkli bir vətəndaş kimi yetişdirilməsi və sosial problemlərinin həllinə dəstək göstərilməsi ölkə rəhbərliyinin ictimai-siyasi və dövlətçilik fəaliyyətində məxsusi yer tutur.
Trend xəbər verir ki, bu xeyirxah missiyanın davamı olaraq “Azərpambıq ASK” MMC-nin təşəbbüsü ilə müqəddəs Qurban bayramı münasibətilə “Uşaqlara qayğı və diqqət ənənəsi uğurla davam etdirilir“ devizi altında xeyriyyə aksiyası keçirilib.
Cəmiyyətin bir qrup əməkdaşı paytaxtın Xətai rayonunda yerləşən 3 saylı uşaq evinə baş çəkərək, müxtəlif şirniyyatlardan ibarət bayram sovqatları ilə uşaqları sevindiriblər.
