Bakı. Trend:
Məzarlıqların bələdiyyələrə hələ də təhvil verilməməsinin səbəbi açıqlanıb.
Trend-in məlumatına görə, bununla bağlı məsələyə Milli Məclisdə bələdiyyələrin fəaliyyətinə inzibati nəzarəti həyata keçirən orqanın illik məruzəsinin müzakirəsi zamanı ədliyyə nazirinin müavini Vilayət Zahirov münasibət bildirib.
O qeyd edib ki, məzarlıqların bələdiyyələrə tam təhvil verilməsi hələ başa çatmayıb. “Bunun da bir neçə səbəbi var. Regionlarda və bir çox kəndlərdə qəbirstanlıqların sənədlərinin, xəritələrinin, pasportlarının olmaması gecikməyə səbəbdir”, - deyə o qeyd edib.
Qeyd edək ki, Nazirlər Kabinetinin 2017-ci il 29 dekabr tarixli qərarı ilə “Qəbiristanlıqların salınması və idarə olunması Qaydaları” təsdiq edilib. Qərara əsasən, qəbiristanlıqların müvafiq bələdiyyələrə verilməsi təmin edilməlidir.