Yunan -roma güləşi üzrə Olimpiya çempionu Fərid Mansurov sentyabrın sonunda Çində keçiriləcək Dünya çempionatına gedəcək.
Komandanın baş məşqçisi Elçin Cəfərovun Trend ə verdiyi xəbərə görə, titullu pəhləvan öz çəki kateqoriyasından olan rəqiblərini seyr etmək üçün yerli nümayəndə heyətinin tərkibində yola düşəcək. "Fəridin belindəki zədə sağalmayanadək, o, mundialda iştirak edə bilməz. Lakin bu səfər onun üçün çox əhəmiyyətli olacaq, çünki o, yalnız öz potensial rəqiblərini müşahidə etməyəcək, həm də idmançılarımızı mənəvi cəhətdən dəstəkləyəcək", - deyə məşqçi bildirib.
E.Cəfərovun sözlərinə görə, hələ F.Mansurov yalnız yüngül məşqlərlə kifayətlənir və oktyabr ayında Almaniyada təkrar tibbi müayinədən keçəcək.