Azərbaycan, Bakı/ müxbir Trend E.Hüseynli/Bakının sürüşmə və seysmikliyi aktiv olan ərazilərdə hündürmərtəbəli binaların tikilməsi məqsədəuyğun deyil. Bu barədə Azərbaycan Milli Elmlər Akademiyasının (AMEA) Respublika Seysmoloji Xidmət Mərkəzinin baş direktorunun müavini Qurban Yetirmişli məlumat verib. Q.Yetirmişli bildirib ki, 1988-ci ilə qədər müəyyən edilən standarta görə, Bakı ərazisi 7 ballıq zonaya aiddir. Azərbaycanın əksər əraziləri isə 8 ballıq zonaya aid edilib. İndi Bakı 8 ballıq, bəzi şəhər və rayonlar isə 9 ballıq zona kimi qeydə alınıb.
...
